好耐冇感受過日出既來臨啦 !!! 琴晚食完飯，Nolan 問我出唔出去影相，咁我又好似冇野做 ( 其實係唔想做功課同溫書 ) ，所以就應承左出去。然後，我地就坐左電車去銅鑼灣，行左陣四月先開既GU ，再去IKEA食左少少野就行左去灣仔會展到 ~
動感摩天輪
虛幻街燈
玩左陣之後，我地就去左灣仔( 酒吧區附近 )食宵夜，不過個時地鐵已經關埋閘啦 ~
灣仔站A2出口
然後我們打算行路去銅鑼灣，因為個到有通宵車番屋企，不過行行下我見到有人係馬路到跑步，一時興起就話行電車路到SOGO
( 中間拍左段16分鐘長既短片，不過容量太多同埋中間跑既時候畫面好亂好振，所以最後都冇放上黎 )
天后電車站下的跑手
我地邊行邊跑之下就到左名為興發街既電車站，我地影左陣相，然後就往柴灣方向，先係北角m記休息左陣，玩左陣" 21點 "，再行到去太古間m記到食個早餐，就行左去西灣河海濱公園到睇海邊下既日出
西灣河日出的縮時影片: ( 25fps )
最後因為身心都太攰啦，所以我地就坐6:50分既地鐵番屋企訓orz
➣ 真係好癲狂既一日 ... 不過人生總要癲狂一次架嘛 ! 岩唔岩先 !!!
