琴日星期六，我終於叫做" 得閒 "，可以休息下orzzzz
咁...我起身( 大概十二點左右 )既時候見到天氣咁好，冇理由唔出街玩呀嘛 !!!
<< 鶴咀地圖 >>
跟住我行去到9號巴士站 (往石澳/鶴咀)，發現好多人等緊巴士 LOL
不過巴士一到左龍脊，乘客們就差唔多個個都落曬車 - -"
( 搞到我都有d衝動想一齊落車)
鶴咀既入口路段都好平坦，而環境亦好清幽，好有度假既感覺
之後冇耐就入到村口啦T^T ( 好怕村狗呢... )
不過睇真D，其實白天既村狗都幾友善，至少冇好似之前夜晚落山時候係咁吠我 -0-
青翠既樹葉帶出濃濃既春意感 ~
等我又扮下影 " 乾草堆 " 先 xd
再向前行就到左一間小士多，我地係到食左少少野
狗狗都懶得吠我地，係到準備瞓晏覺 zzz
之後再向前行就會到電訊盈科既鶴咀高頻無線電發射站
經過左邊既小斜坡，圍繞住發射站外圍而行
係圍欄既外邊拍照，有種偷窺既感覺
亂中有序既電線就好似蜘蛛網一樣
然後我地行到電台既另一邊
發射站裡面有工人忙於維修
之後往指示牌方向而行
就會到達以幾何圖形表示既一個鐵枝電塔
然後再上就係鶴咀燈塔
係高處眺望，煩惱一掃如空
而燈塔既下面就係鶴咀海岸保護區
草坡下隱閉既小石屋
而沿路既左邊有一小路通往雷音洞
前面做咩咁多人係到圍觀呢 ?
原來雷音洞係一個海蝕洞，以大浪湧入小洞口為名
離開洞口繼續落斜就會到達香港大學既太古海洋科學研究所
附近有一具骸骨，上網查一查原來係殺人鯨黎 !!!
而研究所既左邊又有一個名為蟹洞既 "小拱門" 岩石結構 (?)
有唔少情侶前來 "朝聖" 一番
如果唔怕危險可以爬上去蟹洞既上面，你會發現一個全新既景像 !
而蟹洞上面既另一邊，你會發現整個狗髀洲，"洲如其名"，就好似有一隻狗訓係海上面一樣
然後，我地就襯日落前離開，因為擔心入夜後既吠聲。不過今次離開既時候有好多遊客陪同，所以我地好安全咁就番到去巴士站，並且坐番9號巴士到筲箕灣 ~
