琴日，學校搞左個活動，關於新浪潮2015得獎電影既分享，我見得閒就去睇下，當係有得免費睇電影
然後睇到其中一套電影叫左《後來怎麼了》，故事不斷穿插現在與過去，講述一班男校學生畢業前後既故事以及工作。其中一部分講到佢地工作後約出黎既聚會，不同人有唔同既出路，而只有之前一直係中學俾人笑，話佢日日係操場跑步同畫恆星既同學冇出現，亦都冇佢既聯絡方法，加上係聚會既時候提到佢會考0分，睇落好似係注定既失敗者，反而得到其中一個剛辭工而開餐廳既同學既賞識，更直接話佢一直都忠於自己，冇受到社會既捆綁，最後主角聽到後終於冇再迷惘自己人生，明白自己唔應該跟著個社會而行，而係由佢決定自己既路。
其實我地係呢個社會生存，為左錢而活。社會好似提供左好多出路俾你，但你跟住d舊路行既時候你會開心咩?可能追求自己既夢想只會得到旁人既嘲笑，甚至俾社會標籤為廢青，傻仔等，不過，只要活出自己，選擇自己新既路，咁先係我認為真正屬於自己既人生~
