澳門兩日遊(2/9 - 3/9) ←原來我之前寫錯日期- -
詳情就唔多講啦 ~ 因為得兩日都玩得幾chur = =
所以就介紹番D地方就算啦 ~~~ 叫做係開學前俾自己休息下啦zzz
(其實我想玩多幾日，不過9月4號又要番工 T^T)
係呀 ~ 之後我會補番上星期去西貢橋咀同坐觀光船既事
(冇計啦 ~ 日日都好忙，成日都唔記得寫，其實係太懶，不想做-.-)
2/9/2016(星期五)
1點到就係中港城上船啦 ~
今次係坐既係噴射飛航~ ( 好似會好快咁@@ )
內部結構同番中山港既船好唔同 LOL
然後大約兩個鐘既時間就到左京都酒店啦 ~
第一時間當然係連wifi啦haha
酒店卡
放低曬D行李就出去玩啦~ gogogo !!!
第一站係瑪嘉烈醫院蛋撻店，因為好近我地酒店 ~
餐廳餐牌
正呀!!!忍唔住即刻食左件~~~ !!!
然後去埋隔離既大利來記食豬扒包 ~
之後出番黎南灣大馬路就見到個郵票(係時候寫postcard laaaa)
跟住我番到酒店慢慢品嘗件葡撻同豬扒包 \(╯-╰)/
食飽飽就繼續行啦 ~
今次行左去郵政總局
附近既樓宇好有香港舊時的建築風格
再次路經郵政局，不過未寫好d postcard就算數啦 ~_~
黃色外牆加上吊燈，再以具中國特色既露臺做襯衫，好有中西合璧既韻味
點解澳門既中學又舊又細間既…
再向前行就到左噴水池啦 ( 又名大堂前地 )
Sé Catedral 主教座堂 (大堂/聖母聖誕堂)
Sé Catedral 主教座堂既正面
座堂裡面既環境同佈置
教堂附近既天主教主教公署
之後經板樟堂街既左邊方向而行
就到左 Saint Dominic's Church 玫瑰聖母堂右側既入口
裡面而家係做緊一個名為“慈悲的面容”畫展
教堂既內部建築
教堂裡一盞盞既水晶吊燈
外面有一班學生黎參觀
教堂門前既擺設
Saint Dominic's Church 玫瑰聖母堂既正面
「減蛋金錢餅」小攤檔 ( 位於仁慈堂右巷與議事亭前地之間既交界 )
俗稱「噴水池」既議事亭前地，係澳門既其中一個廣場
前面係澳門既民政總署
再後面有一幢層層疊疊既建築物，可惜我搵唔到佢叫咩名-.-
澳門地圖 ( 雖然冇咩點用到-.- )
周生生位係亞美打利庇盧大馬路附近既舊式建築
澳門原來仲保存左好多當舖 @@
福隆新街，又叫紅窗門，係舊澳門既煙花之地，保存左好多中國青樓建築
位於白眼塘橫街與清平街既交界既咀香園餅家
澳門摩卡娛樂場 ( 去澳門既其中一個原因都係因為夠年齡入賭場，老啦T^T )
亞美打利庇盧大馬路路牌 ( 順便當打卡-.- )
十六浦 ( 去完個小賭場，當然要去埋個大賭場啦 ~~~ !!! )
賭場位於巴素打爾古街
果然大賭場，佈置同規模都華麗好多 www
成日係到諗咁大個水晶吊燈跌左落黎咪好型 @@
( 上面既圓形擺設就好似見證住賭場同酒店既變遷 )
酒店裡運用左虛幻既燈光，以電梯連接到不同既新世界
之後，我上左架車去澳門路環
呠呠~~~好快我就到左路環既屠場前地啦 ~
沿回旋處既右上小巷而行
過左兩個街口就到左計單奴街
之後一轉出黎就見到一對新人係到拍結婚照~
(補充番先 : 呢到係叫意度亞馬忌士花園 )
前行沿河邊既係十月初五馬路
( 聽聞<<十月初五的月光>>就係呢到拍攝 @@ )
河流既對岸係就澳門大學啦
之後直行就到左路環圖書館
向前行多個街口就會見到船舖前地
沿船舖前地既小路直入，再經過民國巷就會到左譚僊聖廟
因為水退令到河流變得乾旱，仲有陣陣怪味= ="
之後，我行番去屠場前地去試食着名既安德魯咖啡店
好快就到左夜晚啦 ~
一落車就見到對面金光閃閃，成個金閃閃咁( 誤 )
沿巴波沙總督街既裡面行入去
就會見到北帝廟 ( 原來北帝廟係氹仔最古老既廟宇 -o- )
估唔到一條短短既窄巷可以容納到咁多人 ( 鉅記唔係我既目標 !!! )
連理街係官也街盡頭既一條舊式小巷
通往兵房斜巷既一條對稱樓梯
係分支口轉左到嘉路士米耶馬路
最後經過望德聖母灣街，再次番左落車既地方
3/9/2016(星期六)
今日一早( 10點 ~ 好早架啦-.- )起左身，就坐巴士去食早餐 ~
第一站係南屏雅敘 ←←←原來係澳門最歷史悠久既茶餐廳
( 當然係試食本店有名既蛋治啦 ! )
食完野之後轉入皇子街就會到左果欄街
跟住沿果欄街既右邊方向行就見到爛鬼樓巷
( 據聞爛鬼樓巷係買賣古董既好地方黎 ~ 不過我冇咩錢，所以冇去睇到 )
連接住果欄街既係關前後街
關前後街既左邊有條小巷名為山麻雀圍
( 有一種小家庭既感覺 )
然後一直向前行就會出番大街啦 ~ ( 真的叫大街 !!! )
( 顧名思義條街係通往着名景點 --- 大三巴 (我之前已經去過一次啦 ~~~~))
而大三巴街既後面就係女媧廟啦~
今次係第二次影大三巴牌坊(接這裡)
大三巴牌坊既側面
( 終於唔駛再介紹澳門街道啦 T^T )
牌坊後面既天主教藝術博物館及墓室
墓室入口
墓室裡既雕塑品
洛可可風格的聖母肩輿展品
洛可可風格的聖母肩輿展品
出番黎之後就往星巴克咖啡既方向行
牌坊附近既郵筒
一直向前走就會見到右邊有一條斜路
呢條街竟然叫戀愛巷!!! (係唔係笑緊我呢D單身狗-.- )
然後繼續向前走到回旋處，右邊就係聖安多尼教堂啦
而教堂既另一邊就係名為花王堂斜巷既地方
( 另外氣氛亦都由原本既熱鬧變為寧靜啦 ~ )
之後，我又上番巴士番酒店啦~
( D單層巴士企係到真係唔多穩陣orz )
車上沿路既景色 ( 鏡湖醫院 )
好快我就番到酒店準備離開，並且將行李寄存係酒店到
因為酒店離新舊葡京好近，所以我就順便當係參觀下啦 ~~~
★★★最大分別就係新葡京要幾千蚊先可以夠資格玩，而舊葡京最低消費只係需要50蚊★★★
連接兩個賭場之間既道路 ( 葡京路 )
都係個句啦 ~ 因為我冇咩錢，所以就出番黎大馬路到行-,- ( 蘇亞利斯博士大馬路 )
之後行行下就到左八佰伴 (原來有新舊之分## )
( 順帶一提，商場裡面D野都幾貴- - )
食完野既時候，我發現原來已經4點= = 於是，我番去酒店拎番D行李就坐車去碼頭，準備離開澳門啦 ~
離開澳門前既拍照
終於寫好啦!!! ( 橋咀洲可能又要延遲到下星期先出到貨 )
總結番今次既旅程 :
就係時間唔係幾夠，去唔曬所有既景點，例如 : 澳門威尼斯，不過澳門既特色小食好多都試過曬，包括 : 豬扒包、葡撻等等，另外，今次參觀教堂真係令我大開眼界，估唔到教堂既佈置係咁靚，所以我得閒會去多D唔同既教堂。今次係第二次去大三巴牌坊啦 ~ 上一次可能係以一個咩都唔知既身分去參觀，今次我再次入到去博物館，已經唔單單只係以打卡既心態去呢個地方，而係想睇下唔同展品既設計特色同歷史背景 ~ 可能人大左，睇野既心態都會改變，不過冇變既係我都係以一個冒險家既心態去接觸呢個世界，最後今次旅程俾左我嘗試兩日既新生活，透過唔同既古蹟同舊時建築物，令我有如不斷穿梭於葡萄牙同以前既中國，多謝澳門 ~ !
