久違的一次中同聚會

培粵、兆康、肥蕭、Nolan 同我

畢業都三年啦，五個毒男走去炮台山高麗食韓燒。雖然近日係咁咳，不過冇咩所謂啦，難得一次有咁多人去食野。食野個陣講起話我地班D人叫咩名，肥蕭好似好多都唔記得左囉= =不過，好彩仲記得我地幾個...Nolan就唔駛講啦~日日都係咁~培粵除左頭髮又變得稀疏左之外，其他都冇咩點變(你懂的)。兆康最勁，一減就減左二十幾公斤，瘦左咁多LOL，仲記得之前培粵同兆康係最佳夥伴XD 

其實我一直係未去個陣有D緊張，因為冇見咁耐，怕唔知講咩好。不過係傾計既過程中，竟然冇冷場，可惜既係冇得去睇衫，因為食完野之後D鋪頭都關曬門。講番先，肥蕭真係好多人都唔記得左，可能佢講笑姐。雖然要我講番前行班既人既話，好多都唔記得 = = 而中六個D仲記得既(好似係)，不過都唔知其他人記唔記得我啦orz (啊~係呀~我而家先知肥蕭教小學生"數學"興趣班既人工咁高，有成百幾蚊一個鐘!!!)

食完野之後，我地就周圍行，我最後都係忍唔住，去買左杯涼茶飲，喉嚨實在太癢啦 ... 之後，我地打算坐下，食下甜品，點知北角滿記就關門大吉。冇計啦 ~ 只好行去附近既m記到食D野(利申: not 北角地鐵站個間)

肥蕭有帶買A送B個張優惠卡(我唔知張卡叫咩名= =)，不過我地又五個人，咁我只好去買個蛋糕黎食。一開始心裡朱古力蛋糕喎，應該都唔差得去邊，點知個蛋糕硬到傻，切唔開囉= = 不過，經過一番努力之後，總算分到俾大家。唔知點解食完之後，喉嚨又癢癢地= =之後，講起打機既野，佢地原來一直係到自私玩sosad 之後係到講D"動漫"(括住係指非一般既野<-- 唉~都係個句{你懂的} )

跟住大家分享左大家睇過D咩(唉~只能說個個都咁毒= =)之後，我地就行左去鰂魚涌地鐵站，肥蕭就行路番屋企，我同佢地就係分支口道別啦~唔知之後會唔會再見呢~我相信有心應該就可以既!(btw 岩岩記得肥蕭話想睇D愛情既動漫(好似係)，估唔到肥蕭好呢D@@)

係啦~咁就完啦~久違既一次中同聚會~~~