感恩

人大左，開始明白所有野都係得來不易。應該咁講，人大左，失去與擁有兩詞不斷交替咁出現，所以都知道其他人對你好唔係必然既。生命中，你可能遇上唔同既人，有人會令到你發生唔開心既經歷，亦有人會陪伴你既左右，一齊成長同去玩。不過，我咁講唔代表我話只要感恩後者，其實更重要既係感恩前者，因為有佢先可以等你瞭解到自己既缺點，當然後者亦都應該感謝佢地既陪伴，因為幸福唔係必然。相識係一種緣分，因為係茫茫人海裡都可以做到朋友，或者可能以其他身分結識，比如家人，情侶，那怕係仇人或者係過路人。所以我地應該好好珍惜佢地，因為每一次既見面，對方都曾經付出過，付出過佢地既時間，佢地既愛，佢地既憎恨。所以，我地應該存在感恩既心來對待身邊每個人。最後我希望所有人都唔好咁自私，應該去從其他人既角度去考慮，同埋感激係你回憶中出現過既每一個人，咁樣就我認為，快樂先會產生，煩惱亦都會減少:)