DELETE

岩岩玩左陣P&D 原來P&D已經陪伴左我一年多啦 感覺自己開始老啦…岩岩唔知點解好有決心咁去刪除whatsapp 大概我知道刪除之後再裝番 whatsapp group會仍然係到 只係所有對話內容都會被刪除 我一直都唔忍心刪除回憶 可能我係一個念舊既人 今日我同所有人昔日既對話都刪除得一乾二淨 感覺就好似將一堆攞放陳年既文件棄置 已經冇曬文件啦 要搵過其他新文件?我冇咩動力 我只係想自己一個 至於聯絡人呢 我終於刪除到某人啦 佢應該都唔會記得而個blogger掛 可能我真係太笨 其實佢一早就變左 變左一個唔熟悉既陌生人 反正佢都話過佢寫既一切動態同圖像都唔係因為我 而係因為佢既朋友或其他各種原因 每日我就係到不斷咁 不斷咁去諗佢 點解我要咁無聊去做而d野 愛情?我唔希望再擁有 至少係而家依個時刻 可能我同你接觸既野唔同掛 我記得你講過 只要你唔鐘意既野或者係人 就算點逼你 你都係唔會要同接受 我明白既 至少我係最近同你傾既幾句計裡面睇得出 我一直唔係好明點解你放唔低我但又要離開我 不過既然你都講到話唔想再一齊或者係重新開始 咁我都只可以祝你幸福 刪除後既一刻 我係到諗 如果將來有一日 我再次見到你 我會唔會仲記得你 甚至係你既電話 我唔知你係唔係想報復 想我嘗試番俾人一次又一次拒絕既滋味 我知道我之前係唔岩 不過而一切都唔重要 因為你都已經決定左離開 而我都好應該無奈接受 我承認我係一個好鬥唔服輸既人 可能你會覺得我唔肯接受失敗 繼續做同樣既野 我係你眼中 (而家唔可以話心目中啦)係一個好小朋友既人 根本唔可以對你付責任 我已經漸漸咁疏離你 我已經開始唔瞭解你 已經唔識你 唔知點解我會好習慣咁拉whatsapp睇你既最新動態 見到你之前同d女仔好開心咁一齊影相 我就覺得好滿足 見到你寫左一段好哀傷既文 我會感到好擔憂 不過我又冇勇氣 (應該係冇面子)再去問你既狀況 今日我終於係聯絡人到刪除左你 希望你將來都唔會睇到而段文 雖然我唔知自己擔心d咩 我又少左個習慣啦 唔知我聽日又會點呢 好期待咩 我又唔係幾覺