兩日一夜(第一日)

        琴日係星期日，我要係5點起身，然後係5點半去坐車。又係一件越級挑戰的事。以我平日番學最早都係7點起身，而係放假既時候就10點起身，5點起身根本起唔到。而今次竟然起到身，都算係奇蹟啦- -"，可能係因為一陣旅行有好多野食，好吸引xd

        好啦~唔經唔覺就已經去到落馬洲。我過左陣關之後就同屋企人去等旅遊巴。係個陣我先發現好似得我同我表弟唔係成年人= = 雖然我係之後發現仲有一個比我地細既細路女，不過46個人既純玩純食旅行團竟然3個細路......

      
       我地等左陣，終於有大巴啦。我地第一站係去番禺食風味宴。但係坐車既過程裡面，師傅(司機)話有個好靚既廁所係附近，團友當然就叫師傅帶路，想先睹為快啦~我都有落車睇過，不過我去左上左樓梯，係上面影左幾張相。

 

       上番車之後，我地就去食番禺風味宴啦。雖然個導旅話d野食麻麻，但係我又唔係幾覺haha (我食左好多野係個餐，有個團友更加加多隻雞話一齊食，勁正)

        食完之後，我地就去左紅專廠。我初時仲以為係制紅專，應該係d無聊野。原來裡面有好多souvenir買，你仲可以參觀唔同既展覽館，不過個天氣就熱左少少...

       然後，我地就去左民間藝術社，姐係賣d 剪紙﹑雕塑﹑陶瓷等等既野。不過正如「物以稀為貴」，我見到哥到d陶瓷件件都過百元人民幣，而有d全球限量1000件既野既價錢可以去到過十萬元人民幣，哥只可遠觀而不可亵玩而已。

         佛山昸民間藝術社d野係幾有特式既，不過價錢就貴左d，同埋個天氣真係熱到痴線-.-

         好啦~星期日既參觀活動就大概完成啦，而家就到左番酒店啦。聽導遊講酒店只係四星姐，不過有70分鐘足沐，應該都唔錯既。一去到，我地check in 左一陣，就兩人一房，上房放番低d野。因為我地怕遲d要等好耐去足沐，所以就即刻去足沐。結果，人地都未準備好，所以我地就只好係到等啦。我叫左好多杯橙汁﹑西瓜同橙，d waiters 望到就一臉無奈xd  係足沐既過程裡面，我同表弟同哥兩個服務員都幾好傾，玩得都幾開心 大約1個半鐘之後就完成足沐啦，感覺成隻腳都痺曬- -" 然後，我地同屋企人就係酒店食自助餐，我係咁拎野食，佢地就好快咁食完，結果到我變左waiter俾佢地駛... 不過，好彩最後我都食得飽。食完就玩乒乓球同桌球。雖然係桌球我輸左比表弟，不過乒乓球好彩都win佢，打番平。我地打到留連忘返，最後俾阿媽叫左番房間沖涼。然後我沖完涼，睇埋個飛虎就訓左啦.......(上續)