唔合群既我

可能好多人都覺得我唔合群。例如一大班人一齊玩，我次次都話「唔啦，你地自己玩啦。」我次次都有好多唔同既理由去推掉唔同既活動。又或者d人叫我一齊出去食lunch，我都會話「唔啦。」可能d人以為因為溫書又或者真係有野做去唔玩or唔陪佢地。但係我有咁既想法。

我未有依個想法之前成日都玩，但當明白之後，我改變左我既行為(以下既想法可能你會質疑，不過我想你睇完先)

人識朋友既目的係咩先？可能你會話互相幫助。但係我成日都咁唸。你同你識既朋友耐左，你地既感情一定會加深，依個係無可否認既事實。但係你地識到一排，你地一定會因為一d野要分開。我就係唔想有咁既事情發生先唔想同其他朋友感情加深。可能你會話荒謬，你又可能會話到時先算啦。但係我而家只係唔想依件事將來會發生。唔開心既唔單指係你自己，人地都會唔開心。

另外，當你識得多fds(而合群係可以令你有多d fds)，點講好呢，應該係當你識人多，有權力﹑地位係手，你可能會迷失自我。本來平平無奇﹑好乖既你，因為有地位係手而變得自我中心﹑變到好壞。可能你唔覺得咁唸。請你相信我吧﹗你將來一定會感受到依樣野，可能發生係你身上，又或者係其他人身上。

所以我唔合群係有理由，因為我唔想將來會hurt到自己又hurt到人，又怕因為權力而迷失自我，所以我都係做番個passerby，因為passerby係平平無奇﹑無人關注既人。

And this is also the reason that I always call me "I am a passerby."