人總係認為自己做既野係最岩既 就好似總係唸同做一些對自己有利益既事 又好似成日覺得自己既唸法係冇錯既 不過佢地完全冇(唔可以話完全既，應該係冇認真)唸過其他人既真正既需要。以暗戀者為例，日日鐘意人又唔同心儀對象表白，原因何在?因為怕冇朋友做?怕佢惱左你?怕自己高攀唔起?唔同既理由導致你唔去表白，但你冇唸過站係另一個角度睇，好似話有機會你地係互相愛慕，又或者你既條件其實好好，只係你唔覺 等等……… 所以唔好成日唸住自己一定岩曬，換個角度黎睇，你又會有另一番既體會。
係依個世界裡面，你會認識到唔同既人同事，佢地可能係你既知心好友，又或者係仇人。但係當你有時唔開心，自己一個既時候，你有機會會有一刻唸過只有自己先係對自己最好，所以做人就應該自私d，分享都冇意思。如果你咁唸過既話，即係我地既性格都幾似xdd. 不過我勸你唔好咁唸。點解?人係一個幾有趣既生物，只要你對人好，人地自然會對你好。依個係事實。正如你請人食野，人地都會好慷慨請番你食野，又或者你多d關心人，人地自然會關心你多d 依d資料我係<人性的弱點>搵番黎既。
所以我地做人唔好咁自私，多d關心身邊既人，生活又可以愉快d 朋友又可以多d,何樂而不為呢?
沒有留言:
發佈留言